Home  
    Mayor  
    Deputy Mayor  
    Metropolitan Commissioner  
    Departments  
    KMC Directory  
    Photo Gallery  
    Video Gallery  
       
 
 
       
    Tender Information  
    KMC Function  
    Tenders  
    Grand Auctions  
    Section 144 CR.P.C  
    Notifications  
    KMC Resolution  
       
 
 
       
    Public Notice  
    Information  
    National Holidays  
    Prayer Timings  
    Archive  
       


 
 
 
 
     
  میئر کراچی وسیم اختر نے کہا ہے کہ عیدالاضحی مسلمانوں کا سب سے بڑا تہوار ہے جو ہمیں اخوت، مساوات اور یکجہتی کا درس دیتا ہے-  
     
  04-Sep-2017  
     
   
     
  میئر کراچی وسیم اختر نے کہا ہے کہ عیدالاضحی مسلمانوں کا سب سے بڑا تہوار ہے جو ہمیں اخوت، مساوات اور یکجہتی کا درس دیتا ہے ،پوری دنیا میں مسلمان سنت ابراہیمی کی پیروی میں قربانی کرتے ہیں، عیدالاضحی کے موقع پر ہمیں یہ عہد کرنا چاہئے کہ ہم اپنے شہر کی صفائی ستھرائی کا خیال رکھیں گے اور اس کی تعمیر و ترقی اور دیکھ بھال میں اپنا بھرپور کردار ادا کریں گے ، اس کے علاوہ ہمیں شہر کراچی میں بھائی چارے ، اخوت و مساوات اور یکجہتی کے فروغ کیلئے اللہ تعالیٰ کے حضور دعا مانگنی چاہئے تاکہ پاکستان اور خصوصاً کراچی تمام مسلمانوں کے لئے خوشیوں کا گہوارہ بن سکے۔یہ بات انہوں نے گلشن جناح (پولو گرائونڈ) میں عیدالاضحی کی نماز ادا کرنے کے بعد بڑی تعداد میں موجود میڈیا کے نمائندوں سے بات چیت کرتے ہوئے کہی، میئر کراچی نے کہا کہ عیدالاضحی پر ہمیں ان غریب افراد کا بھی خیال رکھنا چاہئے جو کسی وجہ سے عید کی خوشیوں میں شریک نہیں ہوسکے، خدا کی رضا اور خوشنودی حاصل کرنے کے لئے ہمیں ایسے لوگوں کو بھی عید کی خوشی میں شریک رکھنا چاہئے، انہوں نے کہا کہ عین عید کے دن سندھ اسمبلی کے اپوزیشن لیڈر خواجہ اظہار الحسن پر ہونے والا قاتلانہ حملہ انتہائی افسوسناک ہے، اس واقعہ میں شہید ہونے والے افراد کے لواحقین سے اظہار تعزیت کرتے ہوئے انہوں نے کہاکہ ملک کو دہشت گردی کا سامنا ہے، آج ہم تہیہ کریں کہ ایک قوم ہو کر دہشت گردی کا مقابلہ کریں گے اور متحد ہو کر اپنے مسائل حل کریں گے، میئر کراچی وسیم اختر نے کہا کہ ہم یہ عہد کریں کہ نفرتیں ختم کریں گے اور سیاست سے بالا تر ہو کرملک، صوبے اور شہر کی بہتری اور ترقی کے لئے سوچا جائے۔واضح رہے کہ بلدیہ عظمی کراچی کے زیرانتظام شہر میں نماز عید الاضحی کا سب سے بڑا اجتماع گلشن جناح (پولو گرائونڈ) میں منعقد ہوا جہاں میئر کراچی وسیم اختر،رکن صوبائی اسمبلی محفوظ یار خان، سابق وفاقی وزیر مرزا اختیار بیگ، مرزا اشتیاق بیگ، گورنر سندھ کے صاحبزادوں کے علاوہ مختلف اسلامی ملکوں کے سفارتکاروں، منتخب بلدیاتی نمائندوں اور معززین شہر کی ایک بڑی تعداد نے نماز عید ادا کی، امامت کے فرائض خطیب جامع مسجد کے ایم سی مولانا محمد احمد سلیمی انجام دیئے۔پولو گرائونڈ میں نماز عید کے اجتماع کے موقع پر اسلامی ملکوں سے یکجہتی کے اظہار کے لئے ان ممالک کے پرچم بھی لگائے گئے تھے۔  
     
     
   
     
     

 

 

 

 

 
 
     
 

Copyright © 2011-2012 Karachi Metropolitan Corporation. All rights reserved.
The KMC will not be responsible for the content of external internet sites. / Login  / Webmail  / Webmail 2  / 1339 Executive Dashboard