Home  
    Mayor  
    Deputy Mayor  
    Metropolitan Commissioner  
    Departments  
    KMC Directory  
    Photo Gallery  
    Video Gallery  
       
 
 
       
    Tender Information  
    KMC Function  
    Tenders  
    Grand Auctions  
    Section 144 CR.P.C  
    Notifications  
    KMC Resolution  
       
 
 
       
    Public Notice  
    Information  
    National Holidays  
    Prayer Timings  
    Archive  
       


 
 
 
 
     
  ڈپٹی میئر کراچی ڈاکٹر ارشد عبداللہ وہرہ نے کہا ہے کہ کراچی میں قائم تمام قبرستانوں کو کمپیوٹرائزڈ رجسٹریشن کے ذریعے مرکزی دفتر سے منسلک کیا جائے گا  
     
  11-May-2017  
     
   
     
  ڈپٹی میئر کراچی ڈاکٹر ارشد عبداللہ وہرہ نے کہا ہے کہ کراچی میں قائم تمام قبرستانوں کو کمپیوٹرائزڈ رجسٹریشن کے ذریعے مرکزی دفتر سے منسلک کیا جائے گا ، کراچی میں 192 قبرستان ہیں جن میں سے صرف 55 رجسٹرڈ ہیں باقی قبرستانوں کی رجسٹریشن نہیں ہے ہم کمپیوٹرائزڈ سسٹم کے ذریعے ان کا ڈیٹا یکجا کریں گے، یہ بات انہوں نے پاپوش نگر قبرستان میں شب برأت کے حوالے سے انتظامات کا جائزہ لیتے ہوئے میڈیا کے نمائندوں سے بات چیت کرتے ہوئے کہی، اس موقع پر ممبر صوبائی اسمبلی جمال احمد اور ضلع وسطی کے چیئرمین ریحان ہاشمی بھی ان کے ہمراہ تھے۔ڈپٹی میئر کراچی نے کہا کہ موجودہ بلدیاتی قیادت جن میں چیئرمینز، وائس چیئرمینز، یوسی چیئرمینز اور دیگر عہدیداران کراچی کے قبرستانوں میں صفائی ستھرائی ،روشنی، پانی اور دیگر انتظامات کی مکمل نگرانی کر رہے ہیں اور ممکنہ حاصل سہولتوں کو ذائرین تک پہنچا رہی ہیں، ٹریفک جام کے معاملات قبرستانوں میں ذائرین کے آنے کی وجہ سے ہوتے ہیں جنہیں سٹی وارڈنز تعینات کرکے حل کیا جا رہا ہے، لائٹنگ کی صورتحال کے حوالے سے بھی علیحدہ سے انتظامات کئے گئے ہیں اور قبرستانوں میں جنریٹرز بھی رکھے گئے ہیں ، قبرستان آنے والے ذائرین کو سہولیات فراہم کی جائیں جو اپنے پیاروں کی قبروں پر پھول اور پتیاں نچاور کرنے آتے ہیں، انہوں نے پاپوش نگرقبرستان کے علاوہ سخی حسن، محمد شاہ اور نیو کراچی قبرستان کا دورہ کیا اور قبرستان میں لگائے گئے مختلف کیمپس میں ذائرین کی سہولت کے لئے انتظامات کا جائزہ لیا، ڈپٹی میئر کراچی نے حاجی غلام فرید صابری ،امجد صابری ، سید اسلم علی سبزواری شہید، سید شاہد حسین شہید اور اسلم سبزواری کی قبروں پر حاضری دی اور فاتحہ خوانی بھی کی،ڈپٹی میئر کراچی نے کہا کہ قبرستانوں میں صفائی ستھرائی ،روشنی، پانی ، جنریٹرز اور دیگر انتظامات کے ساتھ ساتھ جراثیم کش اسپرے کو یقینی بنایا جائے، قبرستان مافیا کے خلاف سخت کارروائی کی جائے گی، انہوں نے قبرستان آنے والے ذائرین کے مسائل بھی سنے اور موقع پر حل کرنے کی ہدایت کی۔  
     
     
   
     
     

 

 

 

 

 
 
     
 

Copyright © 2011-2012 Karachi Metropolitan Corporation. All rights reserved.
The KMC will not be responsible for the content of external internet sites. / Login  / Webmail  / Webmail 2  / 1339 Executive Dashboard