Home  
    Mayor  
    Deputy Mayor  
    Metropolitan Commissioner  
    Departments  
    KMC Directory  
    Photo Gallery  
    Video Gallery  
       
 
 
       
    Tender Information  
    KMC Function  
    Tenders  
    Grand Auctions  
    Section 144 CR.P.C  
    Notifications  
    KMC Resolution  
       
 
 
       
    Public Notice  
    Information  
    National Holidays  
    Prayer Timings  
    Archive  
       


 
 
 
 
     
  ڈپٹی میئر کراچی ڈاکٹر ارشد عبداللہ وہرہ نے کہا ہے کہ اردو ایک اکائی ہے جو ہم سب کو یکجا کرتی ہے، یہ ہماری پہچان ہے اس زبان نے ہمیں استحکام دیا ہے-  
     
  20-Apr-2017  
     
   
     
  ڈپٹی میئر کراچی ڈاکٹر ارشد عبداللہ وہرہ نے کہا ہے کہ اردو ایک اکائی ہے جو ہم سب کو یکجا کرتی ہے، یہ ہماری پہچان ہے اس زبان نے ہمیں استحکام دیا ہے اور آئندہ بھی ہمیں مستحکم کرتی رہے گی، اردو کی خدمت ہم پر قرض بھی ہے اور فرض بھی، قومی زبان سے محبت ہے تو ہمیں اختلافات بھلا کر اردو کو فروغ دینا ہوگا۔ ان خیالات کا اظہار انہوں نے یونیورسٹی آف کراچی گریجویٹس فورم کینیڈا کراچی چیپٹر کے زیر اہتمام کے ایم سی آفیسرز ویلفیئر ایسوسی ایشن کے سیمینار ہال میں منعقد ہونے والے مذاکرہ بعنوان ’’استحکام پاکستان میں اردو کا کردار‘‘ سے بحیثیت مہمان خصوصی خطاب کرتے ہوئے کیا، اس موقع پر پروفیسر ڈاکٹر حسن وقار گل، اکرام الحق شوق، ریحانہ روحی، راشد نور، ظفر محمد خان، سیدہ نقوی، ریذیڈینٹ ڈائریکٹر سلمیٰ خانم اور دیگر بھی موجود تھے۔ ڈپٹی میئر کراچی نے کہا کہ انگریزی کی ضرورت بے شک ہے لیکن اردو کی اہمیت مسلم ہے،ہمارے ہاں بطور مضمون اردو کی اہمیت کم ہوتی جارہی ہے جس پر توجہ دینے کی ضرورت ہے۔ اردو ہی ہمیں متحد کرسکتی ہے اور چونکہ ہم سے ہی اردو دنیا میں پھیلی ہے لہٰذا ہم پر اس لحاظ سے بھاری ذمہ داری عائد ہوتی ہے کہ اس کو ترقی دیں اردو کی اہمیت کو ہم کسی بھی طرح ختم نہیں کرسکتے انہوں نے منتظمین کو مبارکباد دی کہ انہوں نے ایک بیحد حساس اور اہم موضوع پر پروگرام کا انعقاد کیا جو اردو کو ترقی دینے کی جانب پہلی سیڑھی ثابت ہوسکتی ہے۔ پروفیسر ڈاکٹر حسن وقار گل نے صدارتی خطبہ پیش کرتے ہوئے کہا کہ آئین کے آرٹیکل -251 اے میں درج ہے کہ پاکستان میں بتدریج اردو کا نفاذ کردیا جائے گا لیکن بدقسمتی سے ہم ابھی تک اس ضمن میں کچھ نہیں کرسکے اور اردوہنوز ہمارے ملک میں ایک ثانوی زبان بنی ہوئی ہے۔ انہوں نے کہا کہ قومی زبان کے خلاف ہونے والی سازش سے ہمیں باخبر رہنا ہوگا اردو کو اس وقت تک استحکام حاصل نہیں ہوسکتا جب تک ہم احساس کمتری سے باہر نہ نکل آئیںاور اپنے ملک میں بھی اور باہر جا کر بھی اردو بولنے میں فخر نہ کرنے لگیں پروگرام کے اختتام پر ڈپٹی میئر کراچی ڈاکٹر ارشد عبداللہ وہرہ کو شیلڈ پیش کی گئی جبکہ پروگرام کے دوسرے حصے میں شعری نشست کا اہتمام کیا گیا جس میں معروف شعراء نے اپنا کلام پیش کیا۔  
     
     
 
News Photo Gallery
 
 
 
 
 
 
 

 
     
     

 

 

 

 

 
 
     
 

Copyright © 2011-2012 Karachi Metropolitan Corporation. All rights reserved.
The KMC will not be responsible for the content of external internet sites. / Login  / Webmail  / Webmail 2  / 1339 Executive Dashboard