Home  
    Mayor  
    Deputy Mayor  
    Metropolitan Commissioner  
    Departments  
    KMC Directory  
    Photo Gallery  
    Video Gallery  
       
 
 
       
    Tender Information  
    KMC Function  
    Tenders  
    Grand Auctions  
    Section 144 CR.P.C  
    Notifications  
    KMC Resolution  
       
 
 
       
    Public Notice  
    Information  
    National Holidays  
    Prayer Timings  
    Archive  
       


 
 
 
 
     
  میئر کراچی وسیم اختر نے کہا ہے کہ طبی اداروں کے انتظامی شعبے میں کسی بھی قسم کی سیاسی یا گروہی مداخلت برداشت نہیں کریں گے-  
     
  17-Apr-2017  
     
   
     
  میئر کراچی وسیم اختر نے کہا ہے کہ صحت اور طب کے شعبے سے وابستہ افراد اپنی کارکردگی ثابت کریں ، اسپتالوں میں اگر انتظامیہ صفائی کا انتظام تک نہیں کرسکتی تو اسے عہدے پر رہنا کا کوئی حق نہیں، طبی اداروں کے انتظامی شعبے میں کسی بھی قسم کی سیاسی یا گروہی مداخلت برداشت نہیں کریں گے ان خیالات کا اظہار انہوں نے پیر کے روز اپنے دفتر میں منعقد ہونے والے ایک اجلاس سے خطاب کرتے ہوئے کیا جس میں سابق ایم این اے فرحت حسین، شبیر قائم خانی، مشیر مالیات خالد محمود شیخ، مختلف اسپتالوں کے میڈیکل سپرنٹنڈنٹ اور ڈپٹی میڈیکل سپرنٹنڈنٹ اور دیگر افسران بھی موجود تھے، اجلاس کے دوران بلدیہ عظمیٰ کراچی کے زیرانتظام طبی اداروں کی بہتری کے حوالے سے تجاویز اور اقدامات پر غور کیا گیا ، میئر کراچی وسیم اختر نے اس موقع پر افسران پر زور دیا کہ اسپتالوں میں غریب مریضوں کے علاج پر خاص توجہ دی جائے اور ڈاکٹرز اور پیرامیڈیکل اسٹاف ان کی خدمت میں پیش پیش رہے، ڈاکٹرز اور پروفیسرز اسپتالوں میں اپنی حاضری کو یقینی بنائیں، انہوں نے کہا کہ وہ اچانک اسپتالوں کے دورے کریں گے اور عملے کی حاضری اور کارکردگی چیک کریں گے ، میئر کراچی نے کہا کہ اسپتالوں کا ماحول بہتر بنانے کے لئے دیواروں پر ہر قسم کی وال چاکنگ کو ختم کیا جائے اور صفائی ستھرائی کا مکمل انتظام ہونا چاہئے، انہوں نے کہا کہ ہم عباسی شہید اسپتال کو شہر کا ایک اچھا اسپتال بنانا چاہتے ہیں جہاں غریب اور متوسط طبقے کے مریضوں کو تمام ضروری سہولیات میسر آسکیں اور دکھی انسانیت کی خدمت میں یہ ادارہ نمایاں مقام حاصل کرے، اس موقع پر ایک بریفنگ میں بتایا گیا کہ عباسی شہید اسپتال میں 21 وینٹی لیٹر ہیں جن میں سے بیشتر خراب ہیں اس کے علاوہ آپریشن تھیٹر میں بھی ضروری آلات کی کمی کا سامنا ہے میئر کراچی نے کہا کہ ہمیں میڈیکل سمیت تمام شعبوں میں تباہ حال چیزیں ملیں ہیں جنہیں ہم آہستہ آہستہ بہتر بنانے کی بھرپور کوشش کر رہے ہیں خاص طور پر اسپتالوں اور ڈسپنسریزکی حالت بہتر بنانے پر کام جاری ہے کیونکہ یہی اسپتال اور دیگر شفا خانے غریب اور متوسط طبقے کی امیدوں کا مرکز ہیں جہاں سے انہیں نہایت کم خرچ میں علاج معالجے کی سہولت ملتی ہے لہٰذا ان اداروں کو بہتر بنانا اولین ترجیح ہے ۔  
     
     
   
     
     

 

 

 

 

 
 
     
 

Copyright © 2011-2012 Karachi Metropolitan Corporation. All rights reserved.
The KMC will not be responsible for the content of external internet sites. / Login  / Webmail  / Webmail 2  / 1339 Executive Dashboard